كل موقع بنبنيه
بيبلّش من صفحة بيضاء
جسركم وكالة أردنية بتصمّم وبتبني مواقع لأصحاب الأعمال. كل موقع بيتبنى من أول وجديد لشغل صاحبه — شكله وأقسامه ولوحة تحكمه — بسعر ثابت ومدة واضحة.
شو يعني «من الصفر» عنّا؟
نظام على مقاس شغلك
متجر غير مكتب محاماة غير مطبخ بيتي. كل نوع شغل إله أقسامه، وبنظبّطها على تفاصيل شغلك إنت.
واجهة بتتصمّم من جديد
ألوانك وشعارك وصورك. الشكل بيترسم لبراندك من أوله، مش لون بيتبدّل على شكل موجود.
لوحة تحكم بالأقسام اللي بتلزمك
بتدير فيها موقعك بنفسك من موبايلك، بالعربي وبدون أي خبرة تقنية.
بدل ما نحكيلك، جرّب بنفسك
هاي ديموهات حية لأنواع شغل مختلفة، كل واحد مبني لنوعه. افتح أي واحد وجرّبه متل ما بيجرّبه زبونك.
شو بتضمن لما تشتغل معنا
- نص المبلغ عند بدء التنفيذ، والنص الثاني عند التسليم
- الموقع والدومين والمحتوى والبيانات ملكك بالكامل
- جولتا تعديل خلال أول 45 يوم من التسليم
- ضمان سنة على أي خلل سببه التنفيذ
- معظم المواقع بتتسلّم خلال 7 — 14 يوم
- بنرد على واتساب خلال ساعة بأوقات الدوام